رواية الفراشة الصغيرة - حياة طفلة في الملجأ
الفراشه الصغيره | الملجأ
- ريحانا بنت عندها سبع سنين عايشه في ملجأ من يوم ما اتولدت وطبعا عايشه في ظلم وقهر ومعامله وحشه جدا من المشرفين وكل يوم تدعي ربنا يريحها
بتصحي ريحانا من النوم علي صوت المشرفه سهام وهي بتزعق وبتقول: انتي يا بت قومي اصحي الساعه بقت سابعه ونص
ريحانا بنوم: طب شويه كمان يا ابله سهام والنبي انا نمت متأخر شويه كمان بس
سهام بزهق: بقولك ايه انتي مش في بيتك علشان تنامي براحتك قومي يا بت
ريحانا بتعب: حاضر يا ابله قومت اهو اروح فين النهارده
سهام: النهارده عليكي السلم علشان جاي الملجأ زياره مهمه وعاوزه اشوف وشي في السراميك فاهمه
ريحانا: حاضر
وبعدين بتدخل ملك صاحبة ريحانا في نفس عمرها وجميله جدا ولكن ريحانا اجمل منها
وبعدين بتقول لريحانا: ايه يا ريحانا ابله سهام قالتلك النهارده عليكي ايه
ريحانا بقهر: السلم كله وكمان عاوزه السراميك يلمع
ملك بصدمه: يا نهار ابيض كله طب ازاي وانتي لوحدك
ريحانا: ربنا علي المفتري يلا نبداء علشان متجيش تاني
وبتروح ريحانا تنضف السلم وملك بتروق المطبخ وبعد ساعتين بتكون البنات خلصت وبتيجي مديره الملجأ تشوف البنات عملوا ايه وبتقول: تمام يا بنات كله يطلع يلا ياخد دش ويلبس الهدوم الجديده علشان الزياره
وفعلا بتطلع البنات وبعدين بينزلوا يستنوا الزياره وهي بتكون عباره عن رجل الاعمال الشهير احمد النجار شاب عنده 30 سنه متعود يزور الملجأ ده بيكون معاه هدايا وبيوزعها عليهم وبعدين بيشوف ريحانا وبينزل لمستواها وبيقول: اسمك ايه يا جميله
ريحانا: انا ريحانا
احمد بحنيه: اسمك حلو يا ريحانا شبهك بالظبط
ريحانا بكسوف: شكرا يا عمو ربنا يخليك
ريحانا بكسوف: شكرا يا عمو ربنا يخليك
احمد بأبتسامه: ويخليكي يا حبيبتي
وبعدين بيمشي احمد وبيروحوا البنات يغيروا ويكملوا شغل وبعد كده بيقعدوا يتغدوا وبعد كده بيقعدو علشان يذاكروا وملك بتقول لريحانا: بت شوفتي اللي اسمو احمد ده كان بيبصلك ازاي
ريحانا باستغراب: ازاي يعني هو كان بيبص عادي
ملك: لا ده كان بيبص زي ما يكون كانت في حاجه ضايعه منه وبعد تعب طويل لقاها
ريحانا: يمكن مش عارفه سيبك منه بقي خلينا نذاكر شويه
وعند احمد كان قاعد في مكتبه بيفكر في ريحانا وبيقول في نفسه: معقول تكون هي يعني بعد السنين دي كلها تكون عايشه هنا يارب تكون هي
وبعدين بيدخل عمرو صاحبه وصديق عمره وبيقول: ابو حميد مش يلا بقي ولا ايه انا هموت من الجوع
ولكن احمد مش بياخد باله من دخول عمرو ولكن عمرو بيكلمه تاني وبيقول: انت يا عم ايه مالك ما تفوق معايا كده
احمد: ايه يا عمرو ما تسيبني في حالي ايه صعبان عليك تشوفني قاعد معايا نفسي شويه
عمرو: يا عم هموت من الجوع وربنا ومش عاوز اكل لوحدي قوم بقي
احمد بزهق: حاضر يا قلق قومت اهو
وبيروحوا المطعم ويطلبوا الاكل وبعدين عمرو بيسأل احمد وبيقوله: طمني يا احمد عملت ايه
احمد: مفيش يا عمرو روحت بس مش عارف حاسس انها هي قلبي حاسس بكده
عمرو: متقلقش ان شاء الله هتكون هي خلي عندك ثقه في ربنا
احمد: يارب يا عمرو
بعد ما بيخلص احمد وعمرو الاكل بيقول احمد لعمرو: عمرو هروح وانت اطلع علي الشركه وخلص ورق الثفقه وابقي ابعتهولي اشوفه عمرو: ماشي حاضر المهم مقولتليش هتعمل ايه في الموضوع
احمد: هروح اخدها من الملجأ مش هسيبها ع
عمرو: ازاي وانت مش متجوز
احمد: هتصرف يا عمرو يلا سلام
وبيمشي احمد علي بيته وبعدين نروح عند ريحانا بيطلعوا البنات يناموا ويصحوا بليل علشان يعملوا العشا وبيتعشوا وبعدين بيناموا وبتصحي ريحانا علي صوت ملك وهي بتقول: ريحانا قومي بسرعه عندي خبر حلو ليكي
ريحانا بنوم: امم في ايه يا ملك هي الساعه كام دلوقتي
ملك: عارفه مين اللي جاي النهارده
ريحانا: لا مش عارفه مين
ملك: احمد النجار
ريحانا بغباء: مين احمد النجار
ملك: لا مش وقت غباء خالص يابت الراجل اللي جه امبارح
ريحانا: ايوه افتكرت طيب وهو جاي ليه يعني
ملك: انا سمعت انو كلم المديره امبارح وطلب منها انها تجهز وراقك علشان يتبناكي
ريحانا بفرحه: بتكلمي بجد والنبي يعني اخيرا همشي من هنا
ملك: اها يا واطيه مانا عارفه انتي اول ما تمشي من هنا هتنسيني علي طول انا عرفاكي
ريحانا: لا طبعا انتي بتقولي ايه انتي اختي قبل ما تكوني صحبتي مش هنساكي ابدا
وبعدين بتدخل المشرفه سهام وهي بتقول: ريحانا خدي الهدوم والبسي بسرعه علشان احمد بيه جه تحت وخلص الورق
وفعلا ريحانا لبست الهدوم ونزلت تحت عند المديره ولقت احمد قاعد هناك ولما ريحانا دخلت المديره قالت: تعالي يا ريحانا
وفعلا دخلت ريحانا وقعدة علي الكرسي اللي في وش احمد وهو قال: ازيك يا ريحانا عامله ايه
ريحانا: الحمدلله بخير
احمد: انا جاي اخدك النهارده علشان تعيشي معايا ايه رايك
ريحانا بفرحه: موافقه
وبياخد احمد ريحانا بعد ما هي سلمت علي ملك وركبوا العربيه وهو بيقول: انا مبسوط انك هتيجي معايا اوعدك اني مش هزعلك خالص
ريحانا: انا كمان مبسوطه اني مشيت من الملجأ
احمد بحزن: حقك عليا انا اللي غلطان في كل ده
ريحانا بعدم فهم: يعني ايه مش فاهمه
احمد بأبتسامه مزيفه: لا ولا حاجه المهم الاول هنروح علشان نشتري الهدوم وبعدين نطلع علي البيت
ريحانا: هدوم لمين
احمد: ليكي طبعا ده غير لبس المدرسه
ريحانا بفرحه عارمه: انت بتتكلم بجد هدوم ليا انا مش مصدقه نفسي بجد
وفعلا احمد بياخدها علي المول وبيجب لها حاجات كتير لبس ولعب وبعدين بيطلعوا علي البيت وريحانا اول ما بتشوفه بتقول: ده بيت مين ده
احمد: ده بيتك من النهارده
ريحانا بصدمه: بتتكلم بجد ده بيتي من النهارده ده زي اللي كنت بشوفه في التليفزيون بالظبط
احمد بضحك: اها ناس غنيه بقي هنعمل ايه
ريحانا بضحك: صح عندك حق بس البيت جميل جداً
احمد: طب كويس انو عجبك يلا تعالي اوريكي اوضتك
وبياخدها يوريها اوضتها ولما بتشوفها بتتصدم منها وبتقول: دي كمان اوضتي انا حاسه اني بحلم
احمد: يلا كفايه احلام وادخلي خدي دش وبعدين البسي وتعالي تحت علشان نتغدا
وبيسيبها احمد وهي بتاخد دش وهي فرحانه وبعدين بتلبس بيجامه جديده وبتنزل لاحمد وبيقعدوا ياكلوا واحمد بيقول: ريحانا انا قدمتلك في مدرسه حلوه اوي هتعجبك وبكره اول يوم ليكي هناك
ريحانا بفرحه: بجد بس الدراسه بقالها كتير يعني زمانهم خدو حاجات كتير
احمد: لا المدرسه دي مختلفه علشان كده انا قدمتلك فيها متقلقيش
ريحانا: حاضر يا عمو
وبعد ما بيخلصوا احمد بياخدها يفرجها البيت وبيوريها حمام السباحه وهي بتكون فرحانه جدا وبيجي الليل وبعدين بيتعشوا وبيطلعوا يناموا والصبح وبيخبط احمد علي ريحانا وهي بتقول: مين بيخبط
احمد بضحك: العفريت ممكن ادخل
ريحانا بضحك: طبعا يا عفريتي اتفضل
وبيدخل احمد الاوضه وبيقول: يلا قومي علشان المدرسه
ريحانا: حاضر انا قومت اهو
وبتقوم ريحانا تاخد دش وتلبس هدوم المدرسه وبتنزل تفطر واحمد بيقول: ريحانا عاوزك متخافيش ماشي انتي قويه وشاطره ماشي
ريحانا: حاضر
وبعدين بيخلصوا وبتروح المدرسه وهناك بتخدها مس نورين وبتقول: يا ولاد رحبوا معايا بريحانا زميلتكم الجديده
وفعلا بيرحبوا بيها وبتروح تقعد جنب ولد اسمه مالك وبيقول: هاي انا مالك
ريحانا: وانا ريحانا
مالك: اسم غريب بس حلو شبهك
ريحانا بتتكسف وبتسكت وبعدين مده احمد بيروح ياخدها من المدرسه وهما في العربيه بيقول: طمنيني عملتي ايه النهارده
ريحانا بفرحه: كان يوم جميل جداً بجد يعتبر احلي يوم في حياتي
احمد بارتياح: طب الحمدلله انا كنت خايف انك متحبيش المكان
وبعدين بيروحوا الفيلا ويدخلوا ولكن احمد بيتصدم من وجود اهله وبيقول: حمدالله على السلامة يا جماعه طب ليه مقولتوش انكم جايين كنت جيت استقبلتكم
والده حسام: مين البنت دي يا احمد
والدته عصمت: مش واقته خالص وحشتني يا احمد
وبتحضن احمد واحمد بيحضنها وبيقول: وانتي كمان وحشتيني اوى يا ماما
وعصمت بتبص علي ريحانا وبتقول: وانتي يا سكر تعالي في حضني
وبتحصنها فعلا وريحانا بترتاح في حضنها وبتقول: اسمك ايه يا حبيبتي
ريحانا: انا ريحانا
عصمت: اسم عسل زيك
حسام بجمود: مين دي يا احمد
احمد: طيب بعد اذنك يا بابا هنطلع نغير ونتغدا وبعدين ابقي اقولك
وبيطلعوا فعلا وبعدين بيرحوا علي السفره وهناك حسام بيقول: ياتري هببت ايه يا احمد مانا عارفك
احمد بهدوء: بابا بعد اذنك خلي الكلام ده بعدين
حسام بغضب: انت هتعلمني اتكلم معاك امتي ولا ايه
احمد: انا تعبت من حياتي معاك انت ايه مش بترحم اقولك حاجه انا سيبهالك وماشي
وبيقوم وعصمت بتمسك احمد وبتقول برجاء: احمد علشان خاطري بلاش تمشي انت عارف ابوك بلاش تكبر الموضوع يا حبيبي
حسام ببرود: خلي يمشي المركب اللي تودي
احمد: ماما انا هقعد في شقتي لو عوزتيني ابقي تعالي
وبيلم هدومه وهدوم ريحانا وبياخدها وبيركبوا العربيه وبيمشي وهما في العربيه ريحانا بتقول: ليه باباك بيعمل كده
احمد: علشان جامد ومعندوش احساس
ريحانا: عارف فكرني بالمشرفه سهام كانت زيه كده
وبعدين بيوصلوا وبيدخلو الشقه وريحانا بتقول: الله ايه الشقه الحلوه دي
احمد: دي بتاعتي كنت هتجوز فيها حب حياتي بس انا ضعتها من ايدي بسبب غبائي
ريحانا: معلش بكره تيجي احسن منها
احمد يبتسم وبيقول: طيب يلا خشي غيري هدومك لحد ما اجهز الغدا وبيروح احمد يجهز الغدا وبيجيلوا اتصال من عمرو وبيقوله: احمد الصفقه تمت وكله تمام
احمد: كويس اوي المهم انا في الشقه علشان سبت البيت وهبقي اقولك بعدين
وبيقفل الخط وبعدين بياكل هو وريحانا وبيقولها ادخلي يلا نامي شويه علشان تصحي تعملي واجباتك
وبتدخل تنام وبعدين بيقعد هو ويرجع بالذاكره لما كان لسه عنده23 سنه وجاتلهم خدامه جديده اسمها ورد وقتها ورد كانت 19 سنه بت غلبانه ولكن كانت جميله جدا ودخلت طبعا دماغ احمد ولما شافها قال: انتي مين
ورد: انا ورد يا بيه جايه من طرف حسن سواق سعتك
احمد: اها افتكرت طيب يلا ادخلي اعمليلي قهوه بسرعه
وفعلا بتروح ورد ولكن احمد بيفضل يبص عليها وفي يوم احمد كان راجع سكران من بره ودخل عند ورد وهي نايمه وهي حست بيه وصحت مجعوزه وقالت: احمد بيه انت بتعمل ايه هنا في حاجه
احمد بخبث: ده في حاجات وحاجات جامده اوي يا ورد
ورد فهمت وقالت: احمد بيه والنبي امشي من هنا وسيبني في حالي الله يخليك
احمد: اسيبك ماشي موافق بس لما اخد اللي جيت ليه
وفعلا بيغتص*بها وبعدين يطلع من اوضتها وبيروح ياخد دش ولا كانه عمل حاجه وبينام وبعدين بيصحا الصبح وبيروح علي مكتبه اللي في البيت وبتدخل كبيره الخدم وبيتقول: احمد بيه محتاجين دكتور بسرعه
احمد بقلق: ليه في ايه
كبيره الخدم: دخلت علي ورد لقتها بتنزف جامد وقاطعه النفس
احمد: طيب انا هكلم الدكتور
وفعلا بيكلمه والدكتور بيجي وبعد فتره بيروح لاحمد وبيقولوا: انت اللي عملت كده يا احمد
احمد: ايوه انا بس انا كنت شارب
الدكتور: والله حرام عليك مين هيرضي يتجوز المسكينه دي بعد اللي حصل فيها
احمد: عاصم خلاص انا هعوضها بلاش كتر كلام
وبيمشي الدكتور عاصم وبيدخل احمد علي ورد وهي بتكون قاعده تعيط ولما بتشوفه بتكون عاوزه تجري بس مش بتقدر ولكن هو بيقول: اهدي انا جاي اتكلم معاكي شويه
ورد بعياط: حرام عليك انت ايه شيطان معندكش قلب منك لله ياخي
احمد: انا كنت شارب ومكنش قصدي اني اعمل كده مش من قله الستات اللي في حياتي يعني
ورد: طب المفروض انا هعمل ايه في حياتي بعد كده هتجوز ازاي ومين هيقبل علي نفسه كده
احمد: متقلقيش ساعه الساعه انا هتصرف المهم خليكي مرتاحه لحد ما تخفي خالص وابقي ارجعي شغلك علي مهلك
وبيمشي احمد وبعد مده دخلت ورد بالقهوه وقالت: احمد بيه
احمد بيبصلها وبيقول: في ايه يا ورد محتاجه حاجه
ورد: طب افرض انا حملت هنعمل ايه وقتها
احمد: يعني بالعقل كده هتحملي من مره ولو حصلت هتنزليه طبعا
ورد: لا والنبي سبهولي يا احمد بيه انا معنديش حد لو حصل انا همشي ومش هوريك وشي تاني صدقني
احمد: وياتري هتكتبيه باسم مين بقي
ورد: باسم ابويا واقول انوا اخويا بس بلاش تاخده مني والنبي يا يبه
احمد: الكلام ده سابق اوانه بكتير يلا امشي دلوقتي
وبعدين فعلا ورد بتحمل وبتكون خايفه وبتخبي ولكن مره واحده بدوخ منهم وبيجي الدكتور عاصم وبيعرف انها حامل وبيقول لاحمد واحمد بيقول لورد: اسمعي يا ورد العيل ده لازم ينزل انا مش هسمح بيه ابدا انتي فاهمه
ورد بعياط: لا مش هنزله وانت ملكش ده بيا او بيه انا همشي ومش عاوزه منك حاجه غير انك تسيبني في حالي وبس
احمد بغضب: بت انتي انا مش هعيد كلامي تاني
ورد بتحدي: لو عملت فيا كده انا هروح اقول لابوك وانت عارف ومتاكد انو هيصدق فيك الكلام ومش هيسكت
احمد: انتي بتحديني
ورد: لا بس انا عاوزه امشي وعاوزه ابني ومش عاوزه منك حاجه
وفعلا احمد بيسيبها وبتقضي شهور حملها وبعد ما بتولد احمد بيبعت ناس تقتلها وبيودي ريحانا الملجأ وبعد فتره احمد بيعرف ان عندو ورم في المخ ولازم يعمل عمليه وبيعملها فعلا ووقتها بس احمد قرر يتغير وبقي انسان تاني وفضل يدور علي ريحانا لحد مالقاها وعرف انها بنته من تحليلDNA اللي عملو ليها وبعدين بيفوق من ذكرياته علي صوت ريحانا وهي بتقول: عمو احمد انت سرحان في ايه
احمد: ريحانا عاوز اقولك حاجه بس اوعي تزعلي مني ماشي
وفعلا احمد بيعرفها انوا ابوها ولكن طبعا مقلش علي كل حاجه وريحانا فرحت جدا وبعدين شهرين كان احمد قاعد في مكتبه اللي في الشركه وبتدخل عليه بنت جميله جدا وبيتصدم احمد لما بيشوفها وبيقول: شهد معقول
شهد بابتسامه: وحشتني يا احمد
وبيحضنها وبيقول: انتي اللي وحشاني اوي طمنيني عليكي اخبارك ايه
شهد: انا الحمدلله كويسه وانت اخبارك ايه
احمد: تمام اتجوزت وخلفت بس مراتي ماتت بعد الولاده علي طول
شهد بحزن: انا اسفه اوي مكنتش اعرف وجبت ايه بقي
احمد: بنوته اسمها ريحانا
شهد باستغراب: ريحانا
احمد بضحك: امها كانت اسمها ورد
شهد بضحك: فهمت واكيد شبهك مش كده
احمد: لا شبه ورد الله يرحمها
شهد: طيب انا جيت قولت اسم عليك
احمد: وانتي طبعا زمانك اتجوزتي وخلفتي مش كده
شهد: ياريت بس لا معرفتش اكون مع حد تاني بعدك
احمد بصدمه: يعني انتي لسه متجوزتيش
شهد: مانت عارف يا احمد شهد دايما قد وعودها وانا وعدتك اني مش هكون لاحد بعدك
احمد بفرحه: شهد تتجوزيني انا لسه والله بحبك وحقك عليا لو كنت زعلتك او جيت عليكي
شهد: متقولش كده انت عارف اني بحبك وطبعا موافقه اتجوزك
وبياخدها تتعرف علي ريحانا وفعلا ريحانا بتحبها وبيجوزها وعاشوا كلهم مع بعض
المشاركات
جامده
ردحذف✨❤️
ردحذف.
ردحذفM🥰
ردحذفروعه
ردحذفرائع 🤩
ردحذفجامد
ردحذفجميله
ردحذف